Haalim; Episode 24 (Nimra Ahmed) / حالِم؛ قسط نمبر 24 از نمرہ احمد

Haalim; Episode 24 (Nimra Ahmed)

حالِم؛ قسط نمبر 24 از نمرہ احمد

دیکھ تومیں رہی ہوں۔ اس نے ناخوشی سے باری باری دونوں کو دیکھا۔

بہت سے لوگوں نے نئے دوست بنا لیے ہیں۔ لگتا ہے کوئی جل رہا ہے ایڈم۔  واتن نے مسکراہٹ دبا کے کہا تو شہزادی نے کندھے اچکائے۔ ابھی اتنا برا وقت مجھ پہ نہیں آیا جوتم دونوں سے جلوں گی۔ پلیزاپنی شرلاک ہومز والی سرگرمیاں جاری رکھو، وہ سرجھٹکتی کچن کی طرف بڑھی تو ایٹم نے بُرا مانے بغیر پُکارا۔

اتنی اچھی پہیلی دکھانے والا تھا آپ کو۔

میرے پاس اپنی پہیلیاں ہیں سلجھانے کو تم اپنا کام کرو۔ وہ چپ چاپ کچن کی میز پر بیٹھ گئی اور اسی پرچی کوکھول کے گھورنے لگی (جبکہ ذہن اشعر، سوپ، پارلر اور ان تمام وارداتوں میں الجھا تھا جو اس نے کبھی کی تھیں) ۔

واتن چپ چاپ اٹھی اور چولہے پر اس کی پسند کا کچھ فرائی کرنے کا اہتمام کرنے لگی اور ایڈم کچن کی گول میز پہ اس کے مقابل آ بیٹھا اور نرمی سے پوچھا۔